Frumefli

Frumefli

Á námskeiðinu verður tekist á við frumkraftinn sem í okkur býr. Hvaðan kemur hann? Hvað er það sem drífur okkur áfram? Hvernig tengjumst við sjálfum okkur og öðrum?

Í gegnum ýmsar samskiptaleiðir, leiki og spuna tengjumst við okkur sjálfum og hvert öðru og setjum okkur leikreglur fyrir samveruna sem er framundan.

Agnar Jón Egilsson, leikari og leikstjóri, MA í menningarstjórnun frá Háskólanum á Bifröst.

Aggi hefur leikið fjölda hlutverka og leikstýrt fjölda verka fyrir leikhús og sjónvarp. Hann hefur unnið mikið við kennslu og rekur Leynileikhúsið sem er leiklistarskóli fyrir börn og unglinga. Hann starfar einnig sem leiklistarkennari við Fjölbrautarskólann í Garðabæ. Aggi trúir því að innst í kjarna hverrar manneskju sé ofurkraftur sem býður síns tíma.

Sigríður Eyþórsdóttir eða Sassa eins og hún er alltaf kölluð er með BS gráðu í iðjuþjálfun frá Bandaríkjunum og hefur síðustu 25 árin sérhæft sig í ævintýrameðferð og meðferðarvinnu með börnum og unglingum.

Hún starfar sem iðjuþjálfi í Hagaskóla en starfaði lengi á BUGL og á Reykjalundi. Sassa hefur víðtæka reynslu af kennslu og námskeiðshaldi fyrir börn og fullorðna og bjó í þrjú yndisleg ár í Valencia á Spáni.

Í frítíma sínum elskar Sassa að halda matarboð, syngja í kór og dansa með vinkonum sínum og ferðast eins oft og tækifæri gefst.