Húsnæði fyrir nemendur

Nemendagarðar

Lýðskólinn á Flateyri rekur tvo nemendagarða. Á báðum nemendagörðum eru þvottahús með þvottavélum, snúrum og þurrkurum.

Sá eldri er með 12 herbergjum, sameiginlegum baðherbergjum, stofu og tveimur eldhúsum.

• Leiga á hverju einstaklingsherbergi er 60.000.

Nýji nemendagarðurinn er með 14 stúdíóíbúðum. Hver íbúð er með ísskáp og sér baðherbergi. Stórt sameiginlegt eldhús/borðstofa er á jarðhæð.

• Leiga á stúdíóíbúð er 95.000.-

• Möguleiki er að tveir nánir einstaklingar geti deilt stúdíóíbúð.

Innifalið í leigu er rafmagn, hiti og internet.

Lyklagjald

Við gerð og undirritun leigusamnings er innheimt lyklagjald kr 45.000 sem fæst endurgreitt við skil á húsnæði sem skal vera í því ástandi sem tekið var við því.

Húsaleigubætur:

Hægt er að sækja um húsaleigubætur til að niðurgreiða leiguna. Til þess þarf að uppfylla skilyrði Húsnæðis- og mannvirkjastofnunar (HMS) sem eru t.a.m. að viðkomandi umækjandi sé búsettur í íbúðarhúsnæðinu og sé þar með lögheimili, gerður sé leigusamningur til minnst þriggja mánaða, umsækjandi þarf auk þess að hafa náð 18 ára aldri. Hámarkshúsaleigubætur eru 40.633.- á mánuði en sótt er um húsaleigubætur á heimasíðu HMS https://hms.is/husnaedi/husnaedisbaetur/umsokn-um-husn%C3%A6%C3%B0isb%C3%A6tur

Aðrir möguleikar

Ef nemendur vilja koma með fjölskylduna sína eða maka þá er hugsanlega hægt að leigja séríbúð. Hafðu samband við okkur ef þú óskar eftir aðstoð við að leigja eigin íbúð, við getum vonandi aðstoðað.