Skapandi ljósmyndun

Skapandi ljósmyndun

Á námskeiðinu nota nemendur myndavélina í listsköpun þar sem kennari aðstoðar nemendur við að finna sína rödd og sýn sem skapandi einstaklingar. Námskeiðið er einstaklingsmiðað og kennari vinnur náið með hverjum og einum hvort sem nemandinn hefur áhuga á listrænni ljósmyndun, tískuljósmyndun, portrett, heimildaljósmyndun eða þessu öllu.

Áhersla er lögð á að vinna með og nýta það sem til er í umhverfi okkar á Flateyri. Kennarinn leggur áherslu á að brjóta reglur, tilraunir og leikgleði. Það þarf ekki flóknar græjur eða flott myndver til að skapa heldur góðar hugmyndir, hugrekki og það að þora einfaldlega að framkvæma.

Kennsluhættir verða í formi fyrirlestra, einkatíma, vinnustofudaga og vinnslu á persónulegum verkefnum.

Isley Reust
Ljósmyndari

Isley Reust er þýsk/amerískur ljósmyndari og stundar myndbandsgerðarkona. Isley vinnur út um allan heim; fyrst og fremst á skipum á heimskautasvæðum að mynda leiðangra, náttúrverndarstarf og vísindarannsóknir. Þegar hún er ekki úti á sjó, finnurðu hana á Vestfjörðum eða í Montana, þar sem hún býr til skiptis.