út í lífið

Út í lífið: Hvert skal ég?

Á námskeiðinu vinna nemendur í hópum að einstaklingsbundinni áætlun um það hvernig hver og einn getur sem best nýtt það sem lærst og áorkast hefur með veru í Lýðháskólanum. Hvað höfum við lært, hverju höfum við komist að um okkur sjálf? Hvaða leið get ég farið héðan?

Nemendur greina eigin þarfir, styrkleika, færni og aðstæður og marka sér stefnu hvert skal haldið og hvernig má tryggja að leiðin verði greið. Hvort sem um nýtt starf, nám eða stefnu í lífinu er að ræða fá nemendur stuðning frá hvor öðrum og kennara til að setja sér markmið og finna leiðir til að hrinda áætlun í framkvæmd.

Hildur Dagbjört Arnardóttir, landslagsarkitekt og vistræktarfrömuður

Hildur Dagbjört Arnardóttir er landslagsarkitekt sem brennur fyrir umhverfisvernd og sjálfbærni. Hún leitast við að nota umhverfisvænar lausnir í öllu sem hún tekur sér fyrir í lífinu og öllu sem hún hannar. Hildur er drífandi og nýtur þess að koma af stað samfélagslegum verkefnum þar sem venjulegt fólk fær möguleika til þess að hafa áhrif á og breyta eigin umhverfi til hins betra.