Viðbragðsáætlun við slysum og óhöppum
Við augljós lítilsháttar meiðsli er búið um sár og meiðsli og/eða nemanda leyft að jafna sig.
Í öðrum tilfellum er haft samband við heilsugæslu og ráðum þeirra hlítt.
Séu aðstæður metnar þannig að viðkomandi þurfi að komast undir læknishendur en ekki talin nauðsyn á sjúkrabifreið er haft samband við skólastjóra (eða staðgengil skólastjóra) sem kemur nemanda til læknis.
Þegar um er að ræða alvarlegri slys er farið eftir þessari áætlun:
1. Kallað er á hjálp; hringt á sjúkrabíl.
2. Kallað er eftir sjúkrakassa, skyndihjálp hafin (eða öðrum nærstöddum falin hún ef þekking þess er meiri).
3. Verið hjá nemanda þar til hjálp berst.
4. Sjá þarf um að tilkynning berist skólastjóra (eða staðgengli skólastjóra).
5. Skólastjóri (eða staðgengill skólastjóra) tilkynnir aðstandendum um atvikið og gefur heilsugæslu upplýsingar um aðstandendur.
6. Viðkomandi heilsugæsla eða sjúkrahús upplýsir aðstandendur um stöðu mála.
7. Skólastjóri (eða staðgengill skólastjóra) tilkynnir nemendunum um atvik og líðan nemanda.
Tilkynning til aðstandenda:
Alvarleg slys: Skólastjóri (eða staðgengill skólastjóra) tilkynnir aðstandendum um atvik
Minniháttar slys: Nemendur tilkynna aðstandendum sjálfir um atvik.