Steinar er hreyfihönnuður og kvikmyndagerðarmaður búsettur í Reykjavík.  Hann hefur starfað hjá ýmsum auglýsingastofum um árabil, til dæmis Brandenburg. Með þeim hefur hann hlotið verðlaun á hönnunarverðlaunahátíð FÍT og markaðsverðlaun ÍMARK fyrir herferðir hjá meðal annars NOVA og Krónunni. Sem sjálfstætt starfandi hreyfihönnuður hefur hann unnið ýmis verkefni á erlendri grundu. Til dæmis fyrir SAS, Absolut Vodka og H&M. Hérlendis hefur hann tekið að sér verkefni fyrir Unicef, Umhverfisstofnun og Íslandsbanka svo eitthvað sé nefnt.

Hann hefur einnig látið að sér kveða í starfi sínu sem hreyfihönnuður í sviðsmynd með atvinnuleikhúsunum hér á landi. Þar má nefna Ástu í leikstjórn Ólafs Egils Ólafssonar í Þjóðleikhúsinu og Ég dey sem Benedikt Erlingsson leikstýrði.

Undanfarin ár hefur Steinar hefur tekið að sér stundarkennslu hjá ýmsum stofnunum, svo sem Iðunni fræðslusetri og Listaháskóla Íslands.