Svo miklu meira en bara skóli

Svo miklu meira en bara skóli

Lýðháskólinn á Flateyri

ÖÐRUVÍSI SKÓLI

Viltu stunda nám án áherslu á einingar og próf? Taka frá heilan vetur til prófa hvað í þér býr? Viltu velja þér ný viðfangsefni við nýjar aðstæður með nýjum vinum?

Við Lýðháskólann á Flateyri ert þú, sem nemandi, í miðjunni. Þú fær stuðning frá kennurum, samfélagi nemenda og íbúa á Flateyri þar sem þekking, færni og hæfni nemenda verða til með þátttöku þeirra í verkefnum sem tengjast atvinnulífi, samfélagi og menningu.

NÁNAR

EITTHVAÐ FYRIR ÞIG?

Ungt fólk sem hefur nýlokið framhaldsskólaprófi velur gjarnan að fara í lýðháskóla og fá þannig næði og tíma til að átta sig á styrkleikum sínum, veikleikum og vilja til frekara náms. Einnig er algengt að fólk sem ekki hefur lokið framhaldsskólaprófi sæki í lýðháskóla og nýti þannig tækifæri sem þetta til að hefja nám á ný. Markmiðið er að fólk á öllum aldri geti dvalið í eina eða tvær annir við lýðháskóla, kynnst nýjum stað og fólki, tekist á við ólík viðfangsefni og haft gagn og gaman af.

Hvað er að frétta?

Opið fyrir umsóknir!

Sæktu um! Umsóknarfrestur fyrir haustönn 2019 er 15. júní n.k. Afgreiðsla umsókna hefst 10. apríl og verða umsóknir sem berast fyrir þann tíma settar í forgang. Eftir það afgreiðum við umsóknir jafnóðum og þær berast. Umsóknarfrestur er til 15. júní. Umsækjendur eru hvattir til að sækja um sem fyrst til að auka líkur á inntöku. […]

Opið fyrir umsóknir frá 15. mars

Þessa dagana vinnum við hörðum höndum að því að endurskoða námsskrá og að gera okkur klár til að taka við næsta hópi viljugra og áhugasamra nemenda á næsta skólaári.
Þann 15. mars n.k. opnum við formlega fyrir umsóknir.
Þangað til tökum við með ánægju á móti öllum þínum fyrirspurnum og hvetjum þig til að hafa samband með tölvupósti (skolastjori@lydflat.is) eða í síma 661 7808.
Við erum á Instragram og Facebook þar sem má fylgjast með því sem við erum að gera í okkar daglega lífi, innan sem utan skóla.
Á Facebook: https://www.facebook.com/Lydhaskoli/
Á Instagram: @lydflat

Fundarboð aðalfundar 2019

Hér með er auglýstur aðalfundur Lýðháskólans á Flateyri laugardaginn 9. febrúar kl. 14:00 í Gunnukaffi. Dagskrá: Kosning fundarstjóra og fundarritara Skýrsla stjórnar lögð fram Reikningar lagðir fram til samþykktar Lagabreytingar Kosning stjórnar Önnur mál Allir velkomnir og heitt á könnunni. Nýir félagsmenn eru velkomnir og geta gengið í félagið á staðnum.         […]

ELDRI FRÉTTIR