Á námskeiðinu fá nemendur innsýn í ferli sem byggir á því að það sé eitthvað spennandi og merkilegt við allt, lítið eða stórt.
Einnig fjöllum við um að mistök séu ekkert til að hræðast heldur geti þvert á móti verið skapandi og gefandi.
Námskeiðslýsing:
Námskeiðið hefst á því að við skellum okkur í nokkrar leiklistaræfingar og finnum vitleysuna og ruglið sem því fylgir. Einnig gerum við nokkur einföld skrifverkefni til að koma sköpunartaugunum í gang. Við tölum um lífið og tilveruna og finnum út úr því saman hvað sumt sem virðist í fyrstu vera “ekki neitt” sé í raun og veru eitthvað stórfenglegt og marslungið. Og geti verið innblástur í skapandi vinnu.
Svo verður ykkur skipt í hópa og þið búið til eða smíðið hlut sem þið ráðið hver er og skrásetjið ferlið og komist yfir mistökin og hindranirnar sem þið rekist á. Námskeiðinu lýkur svo með kynningu/sýningu/innsetningu á ferlinu þegar þið voruð að smíða hlutinn.