Á námskeiðinu er ljósmyndun og útivist sameinuð. Nemendur fá innsýn í þau tæknilegu og listrænu atriði sem huga þarf að þegar taka á ljósmyndir í stórbrotinni náttúru Önundarfjarðar og nágrennis.

Nemendur læra um mismunandi atriði tengd þeim tækjabúnaði og aðferðum sem beitt er við ljósmyndun, hvort sem er með hefðbundnum myndavélum eða myndavélum í símum og læra að nýta sér þá tækni og möguleika sem nota má hverju sinni. Nemendur fá einnig kennslu og þjálfun í grunntækni í myndvinnslu og í því hvernig miðla má myndefni með árangursríkum hætti.

Verkefni og vettvangsferðir í náttúrunni leika stórt hlutverk á námskeiðinu.

Lærdómur/hæfni í lok námskeiðs:
Að nemandi kunni grunn í náttúruljósmyndun, geti fangað náttúruna í gegnum linsuna á myndavél eða síma.