Lengd námskeiðs
2 vikur
Lengd námskeiðs
2 vikur
Námskeiðið er einstaklingsmiðað og kennari vinnur náið með hverjum og einum hvort sem nemandinn hefur áhuga á listrænni ljósmyndun, tískuljósmyndun, portrait, heimildarljósmyndun eða þessu öllu.
Áhersla er lögð á að vinna með og nýta það sem til er í umhverfi okkar á Flateyri. Kennarinn leggur áherslu á að brjóta reglur, tilraunir og leikgleði. Það þarf ekki flóknar græjur eða flott myndver til að skapa, heldur góðar hugmyndir, hugrekki og það að þora einfaldlega að framkvæma.
Úlfar Loga hefur stundað ljósmyndun frá unga aldri og lagði stund á fagið við BTK háskólann í Berlín (University of Europe for Applied Sciences). Hann sérhæfir sig í portrettljósmyndun með áherslu á náttúrulega nærveru, lýsingu og myndbyggingu. Samhliða ljósmyndastörfum er Úlfar verkefnastjóri hjá Lýðskólanum og starfar sem samfélagsmiðlastjóri, þar sem hann nýtir reynslu sína af sjónrænni miðlun og frásagnargleði. Á námskeiðinu leggur Úlfar áherslu á hagnýta tækni, sjálfstraust bak við vélina og skapandi nálgun á viðfangsefnið.
