Þetta er námsleiðin fyrir þann sem dreymir um að læra að ferðast, upplifa náttúruna, vinna með afurðir hennar, nýta og kanna á öruggan hátt. Samfélag, atvinnuhættir, innviðir og umhverfismál Vestfjarða fá stórt vægi í kennslunni og munu nemendur öðlast skilning á þeim áskorunum og tækifærum sem eru á þessu dreifbýla svæði.
Sjálfbærni er víðfeðmt hugtak sem nemendur í Lýðskólanum, eins og allir, þurfa að kynna sér. Það snertir ekki eingöngu umhverfismál heldur einnig samfélagsleg mál sem snúa t.d. að heilsu, velferð og efnahag. Skilningur myndast á því að náttúran setur umsvifum fólks takmörk og búseta á norðurhjara er oft á tíðum flókin og háð takmörkunum sem snúa að strjálbýli og umhverfisaðstæðum, eins og t.d. veðri. Á Flateyri læra nemendur að takast á við þau takmörk sem náttúran setur.
Ef náttúran heillar er Önundarfjörður með allt til alls, svo að nemandinn geti notið sín í Lýðskólanum á Flateyri. Nemendur munu eyða stórum hluta tímans utandyra í öllum veðrum og við ýmsar aðstæður, sem geta oft reynt á og verið framandi.
Námsbrautin verður kennd á ensku sem býður jafnframt uppá skemmtilegt samspil nemenda með ólíkan bakgrunn.
Á þessari námsbraut munu nemendur:
